കോന്നി : കോന്നി ഇ എം എസ് ചാരിറ്റബിൾ സൊസൈറ്റിയുടെ നേതൃത്വത്തിൽ കോവിഡ് പ്രതിരോധ കിറ്റുകൾ വിതരണം ചെയ്തു. പൾസ് ഓക്സിമീറ്റർ, തെർമോ മീറ്റർ, വേപ്പറൈസര്, മാസ്ക്, ഗ്ലൗസ്, സാനിറ്റൈസർ എന്നിവ അടങ്ങിയ കിറ്റുകളാണ് വിതരണം ചെയ്തത്. അഡ്വ.കെ യു ജനീഷ് കുമാർ എം എൽ എ ഉദ്ഘാടനം ചെയ്തു.
സൊസൈറ്റി പ്രസിഡന്റ് ശ്യാംലാൽ അധ്യക്ഷത വഹിച്ചു. ആർ എം ഒ ഡോ.ഗിരീഷ്, സി പി ഐ എം ജില്ലാ സെക്രട്ടറിയേറ്റംഗം പി ജെ അജയകുമാർ, വള്ളിക്കോട് പഞ്ചായത്ത് പ്രസിഡന്റ് ആർ മോഹനൻ നായർ, അരുവാപ്പുലം പഞ്ചായത്ത് പ്രസിഡന്റ് രേഷ്മ മറിയം റോയി, ബ്ലോക്ക് പഞ്ചായത്തംഗം വർഗീസ് ബേബി, സൊസൈറ്റി സെക്രട്ടറി കെ എസ് ശശികുമാർ, ഡി വൈ എഫ് ഐ ജില്ലാ പ്രസിഡന്റ് സംഗേഷ് ജി നായർ, ടി രാജേഷ് കുമാർ എന്നിവർ പങ്കെടുത്തു.
