കോന്നി : ഇ എം എസ് ചാരിറ്റബിൾ സൊസൈറ്റി സ്നേഹക്കൂട്ടത്തിന്റെ നേതൃത്വത്തിൽ സെപ്റ്റംബർ 22 വ്യാഴാഴ്ച മുതിർന്ന പൗരന്മാരുടെ സംഗമവും വാളന്റിയർ പരിശീലനവും അൽഷിമേഴ്സ് വാരാചരണവും സംഘടിപ്പിക്കും. രാവിലെ 9.30 നടക്കുന്ന പരിപാടി പത്തനംതിട്ട ജില്ലാ കലക്റ്റർ ഡോ ദിവ്യ എസ് അയ്യർ ഉദ്ഘാടനം ചെയ്യും. ഇ എം എസ് ചാരിറ്റബിൾ സൊസൈറ്റി പ്രസിഡണ്ട് സ്യാം ലാൽ അധ്യക്ഷത വഹിക്കും.
കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി,കോന്നി ഗ്രാമ പഞ്ചായത്ത് പ്രസിഡണ്ട് സുലേഖ വി നായർ,വള്ളിക്കോട് ഗ്രാമ പഞ്ചായത്ത് പ്രസിഡണ്ട് ആർ മോഹനൻ നായർ,പ്രമാടം ഗ്രാമ പഞ്ചായത്ത് പ്രസിഡന്റ് എൻ നവനീത്,അരുവാപ്പുലം ഗ്രാമ പഞ്ചായത്ത് പ്രസിഡന്റ് രേഷ്മ മറിയം റോയ്,മലയാലപ്പുഴ ഗ്രാമ പഞ്ചായത്ത് പ്രസിഡണ്ട് ഷീല കുമാരി ചാങ്ങയിൽ,ദേശീയ ആരോഗ്യ മിഷൻ ജില്ലാ പ്റഗ്രാം മാനേജർ ഡോ എസ് ശ്രീകുമാർ,സ്നേഹക്കൂട്ടം കൺവീനർ വിത്സൺ പി ജോർജ്ജ് തുടങ്ങിയവർ സംസാരിക്കും.
തുടർന്ന് ഉച്ചക്ക് 12 ന് നടക്കുന്ന അൽസിമേഴ്സ് വാരാചരണം അഡ്വ കെ യു ജെനീഷ് കുമാർ എം എൽ എ ഉദ്ഘാടനം ചെയ്യും. ഡിപ്പാർട്ട്മെൻറ് ഓഫ് കമ്മ്യൂണിറ്റി മെഡിസിൻ അസോസിയേറ്റ് പ്രൊഫസർ ദോ സരിത സൂസൻ വർഗീസ് ബോധവൽക്കരണ ക്ലാസ്സ് നയിക്കും. സ്നേഹക്കൂട്ടം ചെയർമാൻ ആർ അജയകുമാർ കൃതജ്ഞത അർപ്പിക്കും.
