ന്യൂഡല്ഹി : എന്ഡോസള്ഫാന് ദുരിത ബാധിതര്ക്ക് നാലാഴ്ചക്കകം നഷ്ടപരിഹാരം നല്കണമെന്ന് സംസ്ഥാന സര്ക്കാരിനോട് സുപ്രീം കോടതി. നേരത്തെ നഷ്ടപരിഹാര വിതരണത്തിനായി സംസ്ഥാന സര്ക്കാര് 200 കോടി രൂപ അനുവദിച്ചിരുന്നു. നിലവില് 6728 പേരാണ് കാസര്കോട് ജില്ലയിലെ എന്ഡോസള്ഫാന് ദുരിതബാധിതരുടെ പട്ടികയിലുള്ളത്. 3,714 പേര്ക്കു 5 ലക്ഷം രൂപയും 1,568 പേര്ക്ക് 2 ലക്ഷം രൂപയും ലഭിക്കും. നഷ്ടപരിഹാരം നല്കിയതിന്റെ റിപ്പോര്ട്ട് സമര്പ്പിക്കാനും കോടതി ഉത്തരവിട്ടു. എന്ഡോസള്ഫാന് ദുരിത ബാധിതര്ക്കായി പ്രവര്ത്തിക്കുന്ന പന്ത്രണ്ടോളം സംഘടനകള് നല്കിയ ഹര്ജിയിലാണ് കോടതി ഉത്തരവ്.
