കാസര്കോട് : മഞ്ചേശ്വരത്തെ കോഴക്കേസുമായി ബന്ധപ്പെട്ട് കെ. സുന്ദരയുടെ മൊബൈല് ഫോണ് പിടിച്ചെടുത്ത് അന്വേഷണസംഘം.
സ്ഥാനാര്ത്ഥി പിന്മാറ്റത്തിന് കോഴയായി പണത്തിനൊപ്പം ബിജെപി പ്രവര്ത്തകര് നല്കിയെന്ന് പറയപ്പെടുന്ന സ്മാര്ട്ട് ഫോണാണ് ജില്ലാ ക്രൈംബ്രാഞ്ച് ഡിവൈഎസ്പിയുടെ നേതൃത്വത്തിലുള്ള സംഘം പിടിച്ചെടുത്തത്. ഇതുകൂടാതെ മജിസ്ട്രേറ്റിന് മുമ്പാകെ സുന്ദരയുടെ രഹസ്യമൊഴി എടുക്കാനും അന്വേഷണ സംഘത്തിന് ആലോചനയുണ്ട്. ബി.ജെ.പി.പ്രവര്ത്തകര് പണം നല്കിയതായി കെ.സുന്ദരുടെ അമ്മ ക്രൈംബ്രാഞ്ചിന് മൊഴി നല്കിയിട്ടുണ്ട്. വാണിനഗറിലെ വീട്ടില് എത്തിയാണ് സുന്ദരയുടെ അമ്മയുടെ മൊഴിയെടുത്തത്.
