തിരുവന്തപുരം : സ്വര്ണക്കടത്തില് മുഖ്യമന്ത്രി അടക്കമുള്ളവരെ പ്രതിയാക്കാന് ഗൂഢാലോചന നടന്നുവെന്ന പ്രതികളുടെ വെളിപ്പെടുത്തലിന്റെ അടിസ്ഥാനത്തില് കേന്ദ്ര ഏജന്സികള്ക്കെതിരെയുള്ള അന്വേഷണത്തിന്റെ ഭാഗമായി ജുഡീഷ്യല് കമ്മീഷന് തെളിവുകള് തേടി .
ഇതുമായി ബന്ധപ്പെട്ട് വ്യക്തികള്, സംഘടനകള് എന്നിവരില് നിന്നും തെളിവുകള് തേടി ജുഡീഷ്യല് കമ്മീഷന് അധ്യക്ഷന് ജസ്റ്റിസ് വി.കെ.മോഹനന് പത്രപരസ്യം നല്കി. ജൂണ് 26-ന് മുമ്പ് തെളിവുകള് കമ്മിഷന് കൈമാറണം. കേസില് കക്ഷി ചേരാനുള്ളവര്ക്കും കമ്മീഷനെ സമീപിക്കാം.
സ്വര്ണക്കടത്ത് കേസ് പ്രതികളായ സ്വപ്ന സുരേഷ്, സന്ദീപ് നായര് എന്നിവര് നടത്തിയ വെളിപ്പെടുത്തലിന്റെ അടിസ്ഥാനത്തിലാണ് അന്വേഷണം. ഇത്തരം വെളിപ്പെടുത്തല് ഉണ്ടാകാനുള്ള സാഹചര്യം, മുഖ്യമന്ത്രി, മന്ത്രിമാര് എന്നിവരെ പ്രതിയാക്കാന് ഗൂഢാലോചന ഉണ്ടായോ എന്നിവയടക്കമുള്ള കാര്യങ്ങള് കമ്മീഷന് അന്വേഷിക്കും
