കൊച്ചി : നടി ആക്രമിക്കപ്പെട്ട കേസില് ബാലചന്ദ്രകുമാറിന്റെ രഹസ്യ മൊഴിയെടുപ്പ് പൂര്ത്തിയായി. ദിലീപിനെ പരിചയപ്പെട്ടത് മുതലുള്ള കാര്യങ്ങള് രഹസ്യ മൊഴിയായി നല്കിയതായി ബാലചന്ദ്രകുമാര് പറഞ്ഞു. 51 പേജിലാണ് മൊഴി രേഖപ്പെടുത്തിയത്. കാര്യങ്ങള് വെളിപ്പെടുത്താന് താമസിച്ചതിന്റെ കാരണം കോടതിയെ അറിയിച്ചു. മുമ്പ് പുറത്തുവന്നതിന്റെ വിശദാംശങ്ങള് ഉള്പ്പെടുത്തിയാണ് മൊഴി നല്കിയത്.
ദിലീപുമായി ഗൂഢാലോചന നടത്തിയ വി ഐ പി യെക്കുറിച്ച് പോലീസിന് സൂചന നല്കിയിട്ടുണ്ട്. ഇനിയും കൂടുതല് സാക്ഷികള് സിനിമാ മേഖലയില് നിന്നുണ്ടാകും. നടിയെ ആക്രമിച്ച കേസില് സംവിധായകന് ബാലചന്ദ്രകുമാറിനെ കണ്ടിട്ടുണ്ടെന്ന് പള്സര് സുനി വെളിപ്പെടുത്തിയിരുന്നു. കേസില് സാക്ഷിയായ ജിന്സനുമായുള്ള പള്സര് സുനിയുടെ ഫോണ് സംഭാഷണം പുറത്ത് വന്നിരുന്നു.
