28.5 C
Pathanāmthitta
Tuesday, May 10, 2022 1:41 pm

ഏരൂര്‍ വിളക്കുപാറയില്‍ ഒറ്റക്ക് താമസിച്ചുവന്ന മധ്യവയസ്കയുടെ മരണം കൊലപാതകം ; പോസ്റ്റ്മോര്‍ട്ടം റിപ്പോര്‍ട്ട്

അഞ്ചല്‍ : ഏരൂര്‍ വിളക്കുപാറയില്‍ ഒറ്റക്ക് താമസിച്ചുവന്ന മധ്യവയസ്കയുടെ മരണം കൊലപാതകമെന്ന് പോസ്റ്റ്മോര്‍ട്ടം റിപ്പോര്‍ട്ട്. വിളക്കുപാറ പാറവിള വീട്ടില്‍ വത്സലയാണ് (55) ഫെബ്രുവരി 26ന് വീട്ടിനുള്ളില്‍ ദുരൂഹ സാഹചര്യത്തില്‍ മരിച്ച നിലയില്‍ കാണപ്പെട്ടത്. വത്സലയെ ക്രൂരമായി കഴുത്തുഞെരിച്ചു കൊലപ്പെടുത്തുകയായിരുന്നെന്നും കഴുത്തിനു ചുറ്റുമുള്ള എല്ലുകള്‍ക്ക് ഒടിവ് സംഭവിച്ചിട്ടുള്ളതായും നെഞ്ചിലും, ഉദരത്തിലും, ചുണ്ടിലും മുറിവേറ്റ പാടുകളുള്ളതായും പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമാക്കിയിട്ടുണ്ട്.

മാതാവിന്റെ കൊലയാളികളെ രണ്ടുമാസത്തോളമായിട്ടും കണ്ടെത്താന്‍ കഴിഞ്ഞിട്ടില്ലെന്നും പോലീസ് അന്വേഷണം ഊര്‍ജിതമാക്കണമെന്നുള്ള ആവശ്യവുമായി മകന്‍ ഷിബു രംഗത്തുവന്നു. പുനലൂര്‍ ഡി.വൈ.എസ്.പി ബി.വിനോദിന്റെ നേതൃത്വത്തിലുള്ള അന്വേഷണസംഘമാണ് കേസ് അന്വേഷിക്കുന്നത്. നിരവധി ആള്‍ക്കാരെ ചോദ്യം ചെയ്തതായും മൂന്നുപേരെ ഡി.എന്‍.എ പരിശോധനക്കു വിധേയമാക്കിയിട്ടുണ്ടെന്നും ശാസ്ത്രീയ തെളിവുകളുടെ സഹായത്താലുള്ള അന്വേഷണം നടന്നുവരുകയാണെന്നും പോലീസ് പറയുന്നു.

- Advertisment -
- Advertisment -
Advertisment
- Advertisment -

Most Popular