തിരുവനന്തപുരം : ഗവര്ണറുടെ വാര്ത്താസമ്മേളനം നിലവാരത്തകര്ച്ചയെന്ന് എൽഡിഎഫ് കൺവീനർ ഇ.പി.ജയരാജന്. പ്രായത്തിനനുസരിച്ചുള്ള പക്വതയോ വിദ്യാഭ്യാസത്തിനനുസരിച്ചുള്ള പക്വതയോ അദ്ദേഹത്തിന് ഇല്ല. ഗവര്ണര് വികാരജീവിയായി എന്തൊക്കെയോ വിളിച്ചുപറയുന്നു. ഗവര്ണര്ക്ക് മാനസികമായി എന്തോ സംഭവിച്ചിട്ടുണ്ട്. പ്രതീക്ഷിച്ചത് കിട്ടാത്തതിന്റെ പ്രശ്നമെന്നും ഇ.പി ആരോപിച്ചു.
കണ്ണൂര് വിസി പുനര്നിയമനത്തില് മുഖ്യമന്ത്രി പിണറായി വിജയനെതിരെ ഗുരുതര ആരോപണവുമായി ഗവര്ണര് ആരിഫ് മുഹമ്മദ് ഖാന്. പുനര്നിയമനത്തില് മുഖ്യമന്ത്രി നേരിട്ട് ഇടപെട്ടെന്നാണ് ഗവര്ണറുടെ ആരോപണം. ഇതുസംബന്ധിച്ച് ഗവര്ണര്ക്ക് മുഖ്യമന്ത്രി അയച്ച കത്തുകള് പുറത്തുവിട്ടു. വിസി പുനര്നിയമനം ആവശ്യപ്പെട്ട് 2021 ഡിസംബര് എട്ടിന് മുഖ്യമന്ത്രി ആദ്യകത്ത് അയച്ചെന്നാണ് ഗവര്ണര് വിശദീകരിക്കുന്നത്. രാജ്ഭവനില് നേരിട്ടെത്തി മുഖ്യമന്ത്രി ശുപാര്ശ നടത്തിയെന്നും ഗവര്ണര് ആരോപിക്കുന്നു.
