കോന്നി : കോന്നി ഗ്രാമപഞ്ചായത്തിന്റെയും ഗവൺമെന്റ് ആയുർവേദ ഡിസ്പെൻസറിയുടെയും സംയുക്താഭിമുഖ്യത്തിൽ സംഘടിപ്പിച്ച പകർച്ചവ്യാധി പ്രതിരോധ ആയുർവേദ മെഡിക്കൽ ക്യാമ്പ് കോന്നി ഗ്രാമപഞ്ചായത്ത് പ്രസിഡന്റ് റോജി എബ്രഹാം ഉദ്ഘാടനം ചെയ്തു. വൈസ് പ്രസിഡന്റ് ശോഭ മുരളി അധ്യക്ഷത വഹിച്ചു. ആരോഗ്യ–വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അനിത ബിജു സ്വാഗതം ആശംസിച്ചു. തുടർന്ന് മെഡിക്കൽ ഓഫീസർ ഡോ.വൃന്ദ കെ. പകർച്ചവ്യാധി പ്രതിരോധം, വ്യക്തിശുചിത്വം, പരിസരശുചിത്വം, മഴക്കാല രോഗപ്രതിരോധം എന്നിവയെക്കുറിച്ച് ബോധവൽക്കരണ ക്ലാസ് നയിച്ചു.
കോന്നി ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അജി കൊച്ചുകുഞ്ഞ്, ഗ്രാമപഞ്ചായത്ത് അംഗങ്ങളായ ഐവാൻ വകയാർ, ശ്യാംകുമാർ പി.എസ്., സംഗീത മനോജ്, സിന്ധു ശശി, സജി പനച്ചത്തറയിൽ, ഗ്രാമപഞ്ചായത്ത് അസിസ്റ്റന്റ് സെക്രട്ടറി സജിനിമോൾ എസ്. എന്നിവർ സംസാരിച്ചു. ക്യാമ്പില് 98 പേർക്ക് ചികിത്സ ലഭിച്ചു. പരിശോധനകൾക്ക് ശേഷം രോഗികൾക്ക് ആവശ്യമായ ചികിത്സയും സൗജന്യ മരുന്നുകളും വിതരണം ചെയ്തു.
