റാന്നി: റാന്നിയിൽ അനുവദിച്ച ഇ എസ് ഐ ആശുപത്രി ഫെബ്രുവരി 20 രാവിലെ 11 മണിക്ക് റാന്നി ബ്ലോക്ക് പടിയിൽ മുൻപ് കെഎസ്ടിപി ഓഫീസ് പ്രവർത്തിച്ച ബിൽഡിങ്ങിൽ സംസ്ഥാന തൊഴിൽ വകുപ്പ് മന്ത്രി വി.ശിവൻകുട്ടി ഓൺലൈനായി ഉദ്ഘാടനം നിർവഹിക്കും. അഡ്വ പ്രമോദ് നാരായണൻ എംഎൽഎ ചടങ്ങിൽ അധ്യക്ഷത വഹിക്കും. ആന്റോ ആന്റണി എംപി, തദ്ദേശ ജനപ്രതിനിധികൾ, ട്രേഡ് യൂണിയൻ നേതാക്കൾ, ഉദ്യോഗസ്ഥർ എന്നിവർ ചടങ്ങിൽ സംബന്ധിക്കും.
അഡ്വ പ്രമോദ് നാരായണൻ എംഎൽഎയുടെ ശ്രമഫലമായാണ് തോട്ടം തൊഴിലാളികൾ ഏറെയുള്ള റാന്നിയിൽ ഇഎസ്ഐ ഡിസ്പെൻസറി അനുവദിച്ചത്. ഇഎസ്ഐ മാനദണ്ഡപ്രകാരം അനുയോജ്യമായ കെട്ടിടം ലഭിക്കാത്തതിനെ തുടർന്ന് ആശുപത്രി പ്രവർത്തനമാരംഭിക്കുന്നത് വൈകിയിരുന്നു. തുടർന്ന് ഇ എസ് ഐ കോർപ്പറേഷൻ വാടകയ്ക്ക് കെട്ടിടം കരാർ ക്ഷണിച്ചാണ് കെട്ടിടം കണ്ടെത്തി പ്രവർത്തനം ആരംഭിക്കുന്നത്.
