കോട്ടയം : ഏറ്റുമാനൂര് മഹാദേവ ക്ഷേത്രത്തിലെ സ്ട്രോങ് റൂമില് നിന്നും 11.3 പവന് സ്വര്ണം കാണാതായെന്ന് ഓഡിറ്റ് റിപ്പോര്ട്ട്. 2015-16 കാലയളവിലാണ് സ്വര്ണം നഷ്ടപ്പെട്ടത്. സംസ്ഥാന സര്ക്കാര് പുറത്തുവിട്ട ഓഡിറ്റ് റിപ്പോര്ട്ടിലാണ് ഇത് സംബന്ധിച്ച വിശദാംശങ്ങള് വ്യക്തമാക്കുന്നത്. 2015-16 കാലയളവില് പ്രവര്ത്തിച്ചിരുന്ന ദേവസ്വം ജീവനക്കാര്ക്ക് സംഭവിച്ച ഗുരുതരമായ വീഴ്ചയാണിതെന്ന് റിപ്പോര്ട്ട് സൂചിപ്പിക്കുന്നു.
വിഷയത്തില് അന്വേഷണം നടത്തണമെന്ന ശുപാര്ശയോടെയാണ് ദേവസ്വത്തിന് ഓഡിറ്റ് റിപ്പോര്ട്ട് സമര്പ്പിച്ചിരിക്കുന്നത്. വിവിധ വഴിപാട് ഇനങ്ങളുടെ വരവ് രേഖപ്പെടുത്തിയതിലും ക്രമക്കേട് നടന്നതായി റിപ്പോര്ട്ടില് വ്യക്തമാക്കുന്നു. 30,000 രൂപയിലധികം ഇത്തരത്തില് നഷ്ടമുണ്ടായെന്നാണ് കണക്ക്. ദേവസ്വം ജീവനക്കാരുടെ വീഴ്ചയില് ശക്തമായ നടപടിയുണ്ടാകണമെന്നാണ് ഭക്തജനങ്ങളുടെ ആവശ്യം.
