കോഴഞ്ചേരി : ഗുരുദേവ ദർശനത്തിന്റെ കാലിക പ്രാധാന്യം തിരിച്ചറിഞ്ഞ് ഓരോ ശ്രീനാരായണീയനും ഗുരുദേവ ദർശന പ്രചാരകരായി മാറണമെന്ന് എസ്.എൻ.ഡി.പി.യോഗം കോഴഞ്ചേരി യൂണിയൻ പ്രസിഡന്റ് കെ.എൻ.മോഹൻ ബാബു പറഞ്ഞു. അയിരൂർ ശ്രീനാരായണ കൺവെൻഷന്റെ സ്വാഗത സംഘ രൂപീകരണ യോഗം യൂണിയൻ ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം. ഗുരുദർശന പ്രചാരണത്തിന്റെ അപര്യാപ്തത നാം പ്രതിനിധാനം ചെയ്യുന്ന സമൂഹത്തിനെ അപചയത്തിലേക്ക് തള്ളിവിടുന്ന സ്ഥിതിയിലെത്തിക്കും. നമ്മുടെ കുട്ടികൾ ഗുരുദർശനങ്ങളുടെ ശരിയായ അറിവു നേടി വളർന്നു വരുന്നതിന് കൂട്ടായ പ്രവർത്തനം ആരംഭിക്കണമെന്നും മോഹൻ ബാബു പറഞ്ഞു. നാരായണ മിഷൻ ചെയർമാൻ വി.എൻ.ബാബുരാജ് അദ്ധ്യക്ഷത വഹിച്ചു. യൂണിയൻ സെക്രട്ടറി ജി.ദിവാകരൻ, വൈസ് പ്രസിഡന്റ് വിജയൻ കാക്കനാട്ട്, മിഷൻ സെക്രട്ടറി കെ.എസ്. രാജേഷ് കൗൺസിലർമാരായ പ്രേംകുമാർ, രാജൻ കുഴിക്കാല, സിനു എസ്.പണിക്കർ എന്നിവർ സംസാരിച്ചു.
സ്വാഗതസംഘം ഭാരവാഹികളായി വെള്ളാപ്പള്ളി നടേശൻ,തുഷാർ വെള്ളാപ്പളളി, കെ.എൻ. മോഹൻബാബു, ജി. ദിവാകരൻ (രക്ഷാധികാരികൾ) വി.എൻ.ബാബുരാജ് (ചെയർമാൻ), പി.ആർ രാഗേഷ്(വൈസ് ചെയർമാൻ), കെ.എസ്. രാജേഷ് (ജനറൽ കൺവീനർ),വി.എസ്.സനിൽകുമാർ (പബ്ളിസിറ്റികൺവീനർ) എൻ.എൻ.പ്രസാദ് (പ്രോഗ്രാം കമ്മിറ്റി) വിജയൻ കാക്കനാട്ടിൽ (ഫിനാൻസ് കമ്മിറ്റി), എ.കെ.പ്രസന്നകുമാർ (ഫുഡ് കമ്മിറ്റി) ഡി.ജയൻ (സ്റ്റേജ് ആൻഡ് ഡെക്കറേഷൻ) ഓമനാ ദിവാകരൻ (സ്വീകരണ കമ്മിറ്റി) എൻ.സജിമോൻ (സാഹിത്യ മത്സരം) അഡ്വ.സോണി. പി. ഭാസ്കർ (ജഡ്ജിംഗ് കമ്മിറ്റി) ജിനുദാസ് (വാളന്റിയർ കമ്മിറ്റി) അനിതാ രാജൻ (ട്രോഫി) എന്നിവർ കൺവീനറായുള്ള 51 അംഗ കമ്മിറ്റിയെ തിരഞ്ഞെടുത്തു.
