തിരുവനന്തപുരം : വോട്ടെണ്ണല് ദിനം കഴിയുന്നത് വരെ സ്ട്രോങ്ങ് റൂമിന്റെ പുറത്ത് കൃത്യമായ നിരീക്ഷണം ഉറപ്പുവരുത്തണമെന്ന് യു ഡി എഫ് പ്രവര്ത്തകര്ക്ക് നിര്ദേശം നല്കി പ്രതിപക്ഷ നേതാവ് രമേശ് ചെന്നിത്തല. തെരഞ്ഞെടുപ്പു പ്രക്രിയ അവസാനിക്കുമ്പോള് ഇലക്ട്രോണിക് വോട്ടിങ് മെഷീന്റെ കാര്യത്തില് പ്രവര്ത്തകര് ജാഗ്രത പാലിക്കണം. നമ്മുടെ വോട്ടുകള് രേഖപ്പെടുത്തിയ യന്ത്രങ്ങള് സീല് ചെയ്യുന്നത് തൊട്ട് സൂക്ഷിക്കുന്നതുവരെയുള്ള കാര്യങ്ങളില് ശ്രദ്ധയുണ്ടാകണം.
തെരഞ്ഞെടുപ്പ് ഫലം അട്ടിമറിക്കപ്പെടാന് നമ്മള് അനുവദിക്കരുത്. വോട്ടര് പട്ടികയില് നടന്ന ക്രമക്കേട് എത്രമാത്രം വ്യാപകവും സംഘടിതവുമായിരുന്നു എന്ന് നമ്മള് കണ്ടതാണ്. രാജ്യത്തെ മറ്റു സംസ്ഥാനങ്ങളില് ഇലക്ഷന് പ്രക്രിയ അവസാനിക്കാത്തതിനാല് മേയ് രണ്ടിനാണ് വോട്ടെണ്ണല്.
ഈ കാലയളവില് വോട്ടുകള് രേഖപ്പെടുത്തിയ വോട്ടിംഗ് യന്ത്രങ്ങള് സുരക്ഷിതമായി സൂക്ഷിക്കപ്പെടുന്നുണ്ടോ എന്നുറപ്പു വരുത്തേണ്ടതും അട്ടിമറികള് നടക്കാതെ സൂക്ഷിക്കേണ്ടതും നമ്മുടെ കടമയാണെന്നും അദ്ദേഹം ഫേസ്ബുക്കില് കുറിച്ചു.
