തിരുവനന്തപുരം : മുന് എംഎല്എ മാരുടെ സൗഹൃദക്കൂട്ടായ്മ സംഘടിപ്പിക്കുന്നു. ഈ മാസം അവസാനം തിരുവനന്തപുരത്ത് സംഘടിപ്പിക്കുന്ന കൂട്ടായ്മ സ്പീക്കര് എം.ബി രാജേഷ് ഉദ്ഘാടനം ചെയ്യും. മുന് എംഎല്എ മാരും അവരുടെ ജീവിതപങ്കാളികളും ഉള്പ്പെടുന്ന ഫോറത്തിന് എംഎല്എ ഹോസ്റ്റലിലെ നിള ബ്ലോക്കില് 47-ാം നമ്പര് മുറി ഓഫീസായി അനുവദിച്ചു. ഇതിന്റെ ഉദ്ഘാടനം ഫോറം ചെയര്മാന് എം.വിജയകുമാര് നിര്വഹിച്ചു. സംസ്ഥാനസമിതി 13-ന് യോഗം ചേരും. വര്ക്കിങ് ചെയര്മാന് പി.എം മാത്യു, ജനറല് സെക്രട്ടറി കെ.പി കുഞ്ഞിക്കണ്ണന്, ട്രഷറര് രാജന്ബാബു, ടി.വി. ചന്ദ്രമോഹന് തുടങ്ങിയവര് പങ്കെടുത്തു.
