ചേര്ത്തല: ചേര്ത്തലയില് ആറ് കിലോ കഞ്ചാവുമായി യുവാക്കള് പിടിയില്. നഗരത്തില് വില്പനക്കെത്തിച്ച ആറുകിലോ കഞ്ചാവുമായി രണ്ടു യുവാക്കളെയാണ് എക്സൈസ് സംഘം അറസ്റ്റ് ചെയ്തത്. മാരാരിക്കുളം വടക്ക് ഗ്രാമപഞ്ചായത്ത് കണിച്ചുകുളങ്ങര മിച്ചവാരം വീട്ടില് പ്രിജിത്ത് (24), ചേര്ത്തല തെക്ക് പഞ്ചായത്ത് തെക്കുംമുറി നികര്ത്തില് വീട്ടില് നിഥിന് (26) എന്നിവരാണ് പിടിയിലായത്. ഇവരുടെ സംഘത്തിലുണ്ടായിരുന്ന ഒരാള് ഓടിരക്ഷപ്പെട്ടു.
ചേര്ത്തല കെ എസ് ആര് ടി സി സ്റ്റാന്ഡിനു സമീപത്തുനിന്നാണ് ഇവരെ പിടികൂടിയത്. എക്സൈസ് ഇന്റലിജന്സിന് ലഭിച്ച രഹസ്യവിവരത്തിന്റെ അടിസ്ഥാനത്തില് ആലപ്പുഴ എക്സൈസ് ഇന്ഫോഴ്സ്മെന്റ് ആന്ഡ് ആന്റി നര്ക്കോട്ടിക് പ്രത്യേക സംഘവും, ആലപ്പുഴ ഐ ബിയും ചേര്ന്ന് ചേര്ത്തല നഗരത്തില് നടത്തിയ പരിശോധനയിലാണ് ഇരുവരും പിടിയിലായത്. ആറ് ലക്ഷം രൂപയിലേറെ വിലവരുന്ന കഞ്ചാവാണ് ഇവരില് നിന്നും പിടികൂടിയത്.
