ആറന്മുള : ചിത്രകാരനും ആറന്മുള പഞ്ചായത്ത് ആഫീസിലെ ക്ലര്ക്കുമായ ആലപ്പി ഷിബുവിന്റെ ചിത്രപ്രദര്ശനത്തിന്റെ ഉദ്ഘാടനം ആലപ്പുഴ സബ്കളക്ടര് സൂരജ് ഷാജി ഐഎഎസ് നിര്വഹിച്ചു. നഗരചത്വരത്തിലെ ലളിതകലാ അക്കാദമി ആര്ട്ട് ഗ്യാലറിയില് ആണ് ചിത്രപ്രദര്ശനം. ആകര്ഷകമായ ചിത്രങ്ങള് സമൂഹത്തോടു സംവദിക്കുന്നതാണെന്നും ഭാവിയിലെ നല്ലൊരു ചിത്രകാരനെ ഷിബുവില് കാ ണുന്നുണ്ടെന്നും പ്രദര്ശനം ഉദ്ഘാടനം ചെയ്ത സബ് കളക്ടര് പറഞ്ഞു.
ബാല്യത്തിലെ ചിത്രരചന തുടങ്ങിയ ഷിബുവിന്റെ ചിത്രങ്ങള് ഇതിനകം ഏറെ ശ്രദ്ധിക്കപ്പെട്ട് കഴിഞ്ഞു. നഗരത്തിലെ പല സര്ക്കാര് ഓഫീസുകളിലും ഷിബുവരച്ച ചിത്രങ്ങള് ചുവരുകളില് തൂങ്ങുന്നുണ്ട്. ഈ മാസം 9-ാം തിയതി വരെയാണ് പ്രദര്ശനം. വട്ടപ്പള്ളി സ്വദേശിയാണ് ഷിബു. ചിത്രങ്ങളില് ഏറെയും ആധുനികതയിലേയ്ക്ക വിരല് ചൂണ്ടുന്നതാണെങ്കിലും പ്രകൃതി സൗന്ദര്യത്തിന്റെ അതിമനോഹര ചിത്രങ്ങളും ഇദ്ദേഹത്തിന്റെ വിരല്തുമ്പിലൂടെ ജന്മം കൊണ്ടിട്ടുണ്ട്.
