പത്തനംതിട്ട : നഗരത്തില് പ്രവര്ത്തിക്കുന്ന അലങ്കാര് സൂപ്പര് മാര്ക്കറ്റിലെ ജീവനക്കാരന് കോവിഡാണെന്ന് വാട്ട്സ് ആപ്പിലൂടെ വ്യാജ സന്ദേശം പ്രചരിപ്പിച്ച രണ്ടുപേര് അറസ്റ്റില്. മല്ലശ്ശേരി വിജയവിലാസം വീട്ടില് വിജയകുമാറിന്റെ മകന് ശ്രീകാന്ത് (30) ഇന്ദീവരം വീട്ടില് വിജയരാജന്റെ മകന് ബിസ്മി രാജ് (37) എന്നിവരെയാണ് പത്തനംതിട്ട പോലീസ് അറസ്റ്റ് ചെയ്തത്. പ്രതികള് വ്യാജ പ്രചാരണത്തിന് ഉപയോഗിച്ച ഫോണ് പോലീസ് കസ്റ്റഡിയെടുത്തു. സംഭവത്തെക്കുറിച്ച് കൂടുതല് അന്വേഷണം നടത്തുമെന്നും വ്യാജസന്ദേശം ഷെയര് ചെയ്യപ്പെട്ട ഗ്രൂപ്പുകളെക്കുറിച്ചും അന്വേഷണം നടത്തുമെന്ന് പോലീസ് പറഞ്ഞു.