കൊച്ചി: പത്രപരസ്യങ്ങള് കണ്ട് പ്രമുഖരുടെ പേരില് ഫോണ് കോള് നടത്തി ആളുകളെ കബളിപ്പിക്കുന്ന ഹോട്ടല് പാചകക്കാരന് പിടിയില്. തൃശൂര് കൂട്ടുപാത സ്വദേശി രാജേന്ദ്ര പ്രസാദാണ് പിടിയിലായത്. കൊച്ചി മേയര് മുതല് പഞ്ചായത്ത് പ്രസിഡന്റ് വരെയാണ് ഇയാളുടെ ലിസ്റ്റിലുള്ളത്. കഴിഞ്ഞ ആഴ്ച മേയര് എം.അനില്കുമാറിന്റെ പേരിലായിരുന്നു ഇയാള് വ്യാജ ഫോണ് കോള് നടത്തിയത്. നഗരത്തിലെ ഒരു സ്വകാര്യ സ്ഥാപനത്തിന്റെ ഉദ്ഘാടകന് മേയറായിരുന്നു. ഇതറിയിച്ച് നല്കിയ പരസ്യം കണ്ട് സ്ഥാപനത്തിലേക്ക് വിളിച്ച് ഇയാള്’ മേയറാ… ഉദ്ഘാടനത്തിന് ഞാന് വരില്ല, പകരം ആരേലും വന്നാല് അവരെ ഞാന് തീര്ക്കും’ എന്ന് പറഞ്ഞു. ഇതേതുടര്ന്ന് സ്ഥാപന ഉടമ നല്കിയ പരാതിയില് നടത്തിയ അന്വേഷണമാണ് രാജേന്ദ്രനിലേക്ക് കൊച്ചി സിറ്റി പോലീസിനെ എത്തിച്ചത്.
