കൊച്ചി: വ്യാജ ആര്.ടി.പി.സി.ആര് സര്ട്ടിഫിക്കറ്റ് നിര്മ്മിച്ച് നല്കിയതിന് ഇതര സംസ്ഥാന തൊഴിലാളി പോലീസ് പിടിയില്. ബംഗാളിലെ ഇസ്ലാംപുര് സ്വദേശി സജിത്ത് മൊണ്ഡല് (30 ) ആണ് പോലീസ് പിടിയിലായത്. മുവാറ്റുപുഴ കീച്ചേരിപടിയില് ട്രെയിന്, ഫ്ലൈറ്റ് ടിക്കറ്റ് ബുക്കിംഗ് സ്ഥാപനം നടത്തി വരുകയായിരുന്നു ഇയാള്. ഇതര സംസ്ഥാന തൊഴിലാളികള്ക്കാണ് ഇയാള് വ്യാജ ആര്.ടി.പി.സി.ആര് ടെസ്റ്റ് സര്ട്ടിഫിക്കറ്റ് നിര്മ്മിച്ച് നല്കിയത്. കഴിഞ്ഞ ഒരാഴ്ച്ച ഇയാളെ പോലീസ് നിരീക്ഷിക്കുകയായിരുന്നു.
