കൊച്ചി : തൃക്കാക്കരയില്‍ പരാജയപ്പെട്ടെങ്കിലും സജീവമായി രാഷ്ട്രീയത്തില്‍ തുടരുമെന്ന് ഡോ.ജോ ജോസഫ്. തൃക്കാക്കരയിലെ തോല്‍വിയുടെ കാരണങ്ങള്‍ പാര്‍ട്ടി കണ്ടെത്തുമെന്നുറപ്പുണ്ട്. ഏറ്റവും അധികം ആക്രമിക്കപ്പെട്ട സ്ഥാനാര്‍ത്ഥി താനാണെന്നും വ്യാജ വീഡിയോ കേസില്‍ നിയമ പോരാട്ടം ശക്തമായി തുടരുമെന്നും ജോ ജോസഫ് പറഞ്ഞു. തൃക്കാക്കരയിലെ തോല്‍വി വ്യക്തിപരമല്ല. തോല്‍വിയുടെ കാരണങ്ങള്‍ പാര്‍ട്ടി കണ്ടെത്തുമെന്ന് ഉറപ്പാണ്. താന്‍ പ്രതീക്ഷിച്ചത് മികച്ച വിജയം തന്നെയാണെന്നും ജോ ജോസഫ് പറയുന്നു.
താന്‍ നേരിട്ടത് വലിയ ആക്രമണമാണെന്ന് ഡോ. ജോ ജോസഫ് പറയുന്നു. ഒരു സ്ഥാനാര്‍ത്ഥിയും നേരിട്ടില്ലാത്ത തരത്തില്‍ അത്രയും ആക്രമണവും അധിക്ഷേപവും താന്‍ നേരിട്ടു. തന്റെ ഉന്നതവിദ്യാഭ്യാസം പോലും വ്യാജമെന്ന് പ്രചരിപ്പിക്കപ്പെട്ടു. അതിനാല്‍ത്തന്നെ വ്യാജവീഡിയോ കേസില്‍ ഒരു കാരണവശാലും പിന്നോട്ടില്ലെന്നും, നിയമപോരാട്ടം തുടരുമെന്നും ജോ പറയുന്നു. തെരഞ്ഞെടുപ്പ് ഫലം വന്ന ശേഷം ആദ്യമായാണ് ഡോ. ജോ ജോസഫിന്റെ പ്രതികരണം.
