ആലപ്പുഴ : ആലപ്പുഴ പുന്നപ്രയില് യുവാവ് ട്രെയിനിടിച്ച് മരിച്ച സംഭവത്തില് ഡിവൈഎഫ്ഐ പ്രവര്ത്തകര്ക്കെതിരെ കുടുംബം. ഡിവൈഎഫ്ഐ പ്രവര്ത്തകര് മര്ദ്ദിക്കാന് ഓടിച്ചിട്ടു. ഇതിനിടെ നന്ദു ട്രെയിന് മുന്നില്പ്പെടുകയായിരുന്നു എന്നാണ് അച്ഛന് ആരോപിക്കുന്നത്. സുഹുത്തുക്കളെ ഡിവൈഎഫ്ഐക്കാര് മര്ദ്ദിക്കുന്നത് നന്ദു ചോദ്യം ചെയ്തു. ഇതാണ് ഡിവൈഎഫ്ഐ പ്രവര്ത്തകര് നന്ദുവിനെതിരെ തിരിയാനുള്ള കാരണം. പോലീസില് പരാതി നല്കിയിട്ടും നടപടിയില്ലെന്നും നന്ദുവിന്റെ അച്ഛന് ബൈജു ആരോപിക്കുന്നു.
നന്ദുവിനെ ഓടിച്ചിടുന്നത് കണ്ടെന്ന് ദൃക്സാക്ഷി സജു പറഞ്ഞു. പിന്നീട് രാത്രിയാണ് നന്ദുവിനെ ട്രെയിന് മുട്ടിയ നിലയില് കാണുന്നത്. ട്രെയിനിടിക്കുന്നതിന് തൊട്ടു മുമ്പ് നന്ദു വീട്ടുകാരുമായി സംസാരിക്കുന്ന ഫോണ് സംഭാഷണം പുറത്ത് വന്നു. സംഭാഷണത്തില് ഡിവൈഎഫ്ഐ പ്രവര്ത്തകര് തല്ലിയെന്ന് നന്ദു കുടുംബത്തോട് പറയുന്നുണ്ട്.
