അന്തിക്കാട് : കുടുംബവഴക്കിനിടെ ഭാര്യ വിഷക്കായ കഴിച്ച് ജീവനൊടുക്കാന് ശ്രമിച്ചു. ഭാര്യ ആശുപത്രിയില് മരണത്തിന് കീഴടങ്ങിയത് അറിഞ്ഞതോടെ ഭര്ത്താവ് തൂങ്ങി മരിച്ചു. വലപ്പാട് നെടുങ്ങാട് വീട്ടില് വാസുവിന്റെ മകന് ജ്യോതി (38)യും ഭാര്യ പഴുവില് വാലി ഇട്ടിയേടത്ത് സഹദേവന് മകള് സജിത (30)യുമാണ് മരിച്ചത്.
ഇവര് രണ്ട് മക്കളുമൊത്ത് കിഴുപ്പിള്ളിക്കര ചെറിയ പാലത്തിനു സമീപം വാടകവീട്ടിലായിരുന്നു താമസിച്ചിരുന്നത്. അമിതമായി മദ്യപിച്ചെത്തുന്ന ജ്യോതി ഭാര്യയുമായി വഴക്കിടുകയും മര്ദിക്കുകയും ചെയ്യുന്നത് ഇവിടെ പതിവായിരുന്നുവെന്ന് അയല്വാസികള് പറയുന്നു. ഇതിനിടെ രണ്ടുദിവസം മുമ്പ് സജിതയെ വിഷക്കായ ഉള്ളില്ച്ചെന്നതിനെത്തുടര്ന്ന് ഗുരുതരാവസ്ഥയില് തൃശ്ശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നു. വ്യാഴാഴ്ച പുലര്ച്ചെ സജിത മരിച്ചു. വിവരമറിഞ്ഞ് വീട്ടില് നിന്നിറങ്ങിയ ജ്യോതിയെ പഴുവില് സെന്റ് ആന്റണീസ് ഹൈസ്കൂളിന് കിഴക്ക് ജയന്തിപടവിന് സമീപം കനാലിനരികിലുള്ള മരത്തില് തൂങ്ങിമരിച്ച നിലയില് കണ്ടെത്തുകയായിരുന്നു. അഭിരാം, അശ്വതി എന്നിവരാണ് മക്കള്.