കൊല്ലം : ഉത്ര വധക്കേസിലെ സ്പെഷ്യല് പ്രോസിക്യൂട്ടര് അഡ്വക്കേറ്റ് മോഹന്രാജിനെ വിസ്മയ കേസില് നിയോഗിക്കണമെന്ന് കുടുംബം. ഇക്കാര്യം ആവശ്യപ്പെട്ട് വിസ്മയയുടെ കുടുംബം മുഖ്യമന്ത്രി പിണറായി വിജയനെ നേരിട്ട് കണ്ടു. കേസില് പോലീസ് നിര്ദേശിച്ച സ്പെഷ്യല് പ്രോസിക്യൂട്ടര് പട്ടികയിലും മോഹന്രാജിനാണ് പ്രഥമ പരിഗണന. വിസ്മയയുടെ വീട് ആക്രമിച്ച കേസിന്റെ പുനരന്വേഷണത്തില് പോലീസ് നിയമോപദേശം തേടും.
കേസില് വിസ്മയയുടെ സഹപാഠികളുടെയടക്കം മൊഴി പോലീസ് രേഖപ്പെടുത്തിയിട്ടുണ്ട്. 90 ദിവസത്തിനകം തന്നെ കുറ്റപത്രം സമര്പ്പിക്കാനുള്ള നീക്കത്തിലാണ് പോലീസ്. ജൂണ് 21ന് പുലര്ച്ചെയാണ് വിസ്മയയെ കൊല്ലം പോരുവഴിയിലെ ഭര്തൃഗൃഹത്തില് തൂങ്ങിമരിച്ച നിലയില് കണ്ടെത്തിയത്.
