റാന്നി : പഴവങ്ങാടി ഭഗവതികുന്ന് ദേവീക്ഷേത്ര ഉപദേശക സമിതിയുടേയും ഭക്തജനങ്ങളുടെയും സംയുക്താഭിമുഖ്യത്തിൽ തിരുവിതാംകൂർ ദേവസ്വം ബോർഡ് അംഗം അഡ്വ.മനോജ് ചരളേലിനെ ആദരിക്കുകയും ക്ഷേത്രം മേല്ശാന്തി പി.എന് നീലകണ്ഠന് നമ്പൂതിരിക്ക് യാത്രയയപ്പും നല്കി. യോഗം ദേവസ്വം ബോർഡ് അംഗം അഡ്വ. മനോജ് ചരളേൽ ഉദ്ഘാടനം ചെയ്തു. ക്ഷേത്ര ഉപദേശക സമിതി പ്രസിഡന്റ് ഗോപാലകൃഷ്ണക്കുറുപ്പ് അധ്യക്ഷത വഹിച്ചു. പഴവങ്ങാടി പഞ്ചായത്ത് പ്രസിഡന്റ് അനിതാ അനിൽകുമാർ, ജില്ലാ പഞ്ചായത്ത് അംഗം ജെസ്സി അലക്സ്, വാർഡ് അംഗം ബിനിറ്റ് മാത്യു, രാമഭദ്ര കല്ലയ്ക്ക്ലൽ, എ.ജി ആനന്ദന് പിള്ള, ശ്രീനി ശാസ്താംകോവിൽ, അജു വളഞ്ഞന്തുരുത്തിയിൽ, എ.ജി വേണുഗോപാൽ, കെ.കെ ഭാസ്കരൻ നായർ, രവി കുന്നക്കാട്, റെജി താഴമൺ, ഫാ.ബെൻസി എബ്രഹാം എന്നിവർ പ്രസംഗിച്ചു.
