ന്യൂഡല്ഹി : കര്ഷകരെ വാഹനം ഇടിപ്പിച്ചു കൊന്നത് മന്ത്രിയുടെ മകന് തന്നെ പോലീസ്. ലഖിംപൂരില് കര്ഷകരെ ഇടിച്ച വാഹനത്തില് കേന്ദ്ര മന്ത്രി അജയ് മിശ്രയുടെ മകന് ആശിഷ് മിശ്ര ഉണ്ടായിരുന്നുവെന്ന് പോലീസ് സമ്മതിച്ചു. അപകടമുണ്ടാക്കുന്ന രീതിയില് വാഹനം ഓടിച്ചെന്നും വെടിയുതിര്ത്തെന്നും എഫ് ഐ ആറില് പറയുന്നു.
അതിനിടെ, കേന്ദ്രമന്ത്രി അജയ് മിശ്ര ഉടന് ഡല്ഹിയിലെത്തും. മകന് സ്ഥലത്തുണ്ടായിരുന്നില്ല എന്ന മന്ത്രിയുടെ വാദം ഇതോടെ കളവാണെന്ന് തെളിഞ്ഞു. സംഘര്ഷത്തെക്കുറിച്ച് യു.പി സര്ക്കാര് റിപ്പോര്ട്ട് കേന്ദ്രസര്ക്കാരിന് കൈമാറി. നേതൃത്വം വിളിപ്പിച്ചതിനെ തുടര്ന്നാണ് മന്ത്രി എത്തുന്നതെന്നാണ് നിഗമനം.
അജയ് മിശ്ര രാജിവയ്ക്കുന്നതുവരെ പോരാട്ടം തുടരുമെന്ന് കോണ്ഗ്രസ് നേതാവ് പ്രിയങ്ക ഗാന്ധി വ്യക്തമാക്കി. ഉത്തര്പ്രദേശിലെ ലഖിംപുരിലേക്ക് പുറപ്പെടാനൊരുങ്ങി രാഹുല് ഗാന്ധി ഉള്പ്പെടെയുള്ള പ്രതിപക്ഷ നേതാക്കള്. പ്രിയങ്കയെ അറസ്റ്റ് ചെയ്ത് പാര്പ്പിച്ചിരിക്കുന്ന സീതാപൂരിലെ ഇന്റര്നെറ്റ് സേവനങ്ങള് റദ്ദാക്കി.