മല്ലപ്പള്ളി : കോട്ടാങ്ങൽ ഗ്രാമപഞ്ചായത്തിന്റെയും കോട്ടാങ്ങൽ കൃഷിഭവന്റെയും സംയുക്താഭിമുഖ്യത്തിൽ പഞ്ചായത്തുതല കർഷക സഭയും ഞാറ്റുവേല ചന്തയും സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ശ്രീദേവി ഉദ്ഘാടനം ചെയ്തു. വൈസ് പ്രസിഡന്റ് ഹരികുമാർ അദ്ധ്യക്ഷത വഹിച്ചു. കൃഷി ഓഫീസർ അനുകൃഷ്ണ പദ്ധതി വിശദീകരണം നടത്തി. കർഷകർക്ക് കാലാനുസൃത കൃഷിരീതികൾ, ഞാറ്റുവേലയുടെ പ്രാധാന്യം, കാർഷിക വികസന പ്രവർത്തനങ്ങൾ എന്നിവയെക്കുറിച്ചുള്ള ബോധവൽക്കരണവും നടന്നു.
പരിപാടിയുടെ ഭാഗമായി നടന്ന ഞാറ്റുവേല ചന്തയിൽ വിവിധ കാർഷിക ഉൽപ്പന്നങ്ങളും തൈകളും പ്രദർശിപ്പിക്കുകയും വിതരണം നടത്തുകയും ചെയ്തു. മല്ലപ്പള്ളി ബ്ലോക്ക് പഞ്ചായത്ത് ക്ഷേമകാര്യ സ്റ്റാൻന്റിങ് കമ്മിറ്റി ചെയർമാൻ ടി.എ.മുഹമ്മദ് ഇസ്മായിൽ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ലക്ഷ്മി അജിത്ത്, വാർഡ് മെമ്പർ മായാദേവി എന്നിവർ സംസാരിച്ചു.
