സിംഗു : ഹരിയായ അതിര്‍ത്തിയില്‍ കര്‍ഷക സമരം നടക്കുന്ന സ്ഥലത്ത് യുവാവിനെ ക്രൂരമായ കൊലപ്പെടുത്തി. യുവാവിനെ ക്രൂരമായി മര്‍ദിച്ച ശേഷം വലതുകൈ വെട്ടിമാറ്റി ബാരിക്കേഡില്‍ കെട്ടിത്തൂക്കി കൊല്ലുകയായിരുന്നു. പ്രദേശത്തേക്ക് എത്തിയ പോലീസ് സംഘത്തേയും ഒരു സംഘം തടഞ്ഞു. ഗുരു ഗ്രന്ഥത്തെ അപമാനിച്ചു എന്നാരോപിച്ചാണ് 35 വയസ് തോന്നിക്കുന്ന യുവാവിനെ കൊന്നതെന്നാണ് റിപ്പോര്‍ട്ട്.
കര്‍ഷക സമരത്തില്‍ പങ്കെടുക്കുന്ന നിഹാംഗുകളാണ് കൊലയ്ക്കു പിന്നിലെന്നാണ് ആരോപണം. എന്നാല്‍ കൊലപാതകത്തില്‍ പങ്കില്ലെന്ന് കര്‍ഷക സംഘടന നേതാക്കള്‍ പ്രതികരിച്ചു. മൃതദേഹം പോസ്റ്റുമോര്‍ട്ടത്തിനായി അടുത്തുള്ള സിവില്‍ ആശുപത്രിയിലേക്ക് മാറ്റി. പോലീസ് അന്വേഷണം ഊര്‍ജിതമാക്കി. ഭയാനകമായ രംഗത്തിന്റെ ദൃശ്യങ്ങളും സോഷ്യല്‍ മീഡിയയില്‍ പ്രചരിക്കുകയാണ്.
