പത്തനംതിട്ട : ജില്ലയിലെ കർഷകരെ വന്യജീവി ഭീഷണിയിൽ നിന്നും സംരക്ഷിക്കണം എന്ന് ഐക്യ കർഷക സംഘം റാന്നി മണ്ഡലം സമ്മേളനം ആവശ്യപ്പെട്ടു. പി എം ചാക്കോയുടെ അദ്ധ്യക്ഷതയിൽ കൂടിയ ഐക്യ കർഷക സംഘം റാന്നി മണ്ഡലം സമ്മേളനം ആർ എസ് പി റാന്നി മണ്ഡലം സെക്രട്ടറി സജി നെല്ലുവേലി ഉത്ഘാടനം ചെയ്തു. ജില്ലയിലെ എല്ലാ മലയോര പ്രദേശങ്ങളിലും പന്നി, ആന, പുലി, കടുവാ, മല അണ്ണാൻ മുതലായ വന്യ ജീവികളുടെ അക്രമണം രൂക്ഷമാണ് ഇതുമൂലം കർഷകരുടെ ജീവൻ തന്നെ ഭീഷണിയാകുന്നു.
ദൈനംദിന ജീവിതവും സാമ്പത്തിക ഭദ്രതയും താറുമാറായിരിക്കുകയാണ്. ഇതിനു പരിഹാരം കാണുന്നതിന് വേണ്ടി കേന്ദ്ര – കേരള സർക്കാരുകൾ ഉടൻ നടപടി സ്വീകരിച്ചില്ലെങ്കിൽ ജില്ലയിൽ ഐക്യ കർഷക സംഘത്തിന്റെ നേതൃത്വത്തിൽ ശക്തമായ പ്രക്ഷോഭം സംഘടിപ്പിക്കുമെന്ന് അദ്ദേഹം സർക്കാരിന് മുന്നറിയിപ്പ് നൽകി. ജില്ലാ പ്രസിഡന്റ് രവിപിള്ള മുഖ്യപ്രഭാഷണം നടത്തി. ജോൺസ് യോഹന്നാൻ, ഡാനിയേൽ ബാബു, ഷിബു തോമസ്, വിലാസ ചന്ദ്രൻ, സുനിൽ കുമാർ, ജോൺസൺ കെ ജെ, രമേശൻ എന്നിവർ പ്രസംഗിച്ചു. ഷിബു തോമസ് (പ്രസിഡന്റ് ) സുനിൽ കുമാർ (സെക്രട്ടറി)ജോൺസൺ, വിലാസ ചന്ദ്രൻ (വൈസ് പ്രസിഡന്റ്മാർ) രമേശൻ (ജോയിന്റ് സെക്രട്ടറി )കൂടാതെ 10 അംഗ മണ്ഡലം കമ്മറ്റിയേയും തിരഞ്ഞെടുത്തു.
