ന്യൂഡല്ഹി : കാര്ഷിക നിയമങ്ങളുടെ പേരില് എന്ഡിഎ വിടുമെന്ന ഭീഷണിയുമായി രാഷ്ട്രീയ ലോകതാന്ത്രിക് പാര്ട്ടി അധ്യക്ഷനും രാജസ്ഥാനില് നിന്നുള്ള എംപിയുമായ ഹനുമാന് ബെനിവാല്. കര്ഷകരുമായി എത്രയും വേഗം ചര്ച്ച നടത്തണമെന്ന് കേന്ദ്ര ആഭ്യന്തരമന്ത്രി അമിത് ഷായോട് ആവശ്യപ്പെട്ടു. കര്ഷക സമരത്തോട് രാജ്യമാകെ അനുഭാവം പ്രകടിപ്പിക്കുന്ന സാഹചര്യത്തില് കാര്ഷിക നിയമങ്ങള് റദ്ദാക്കണം.
സ്വാമിനാഥന് കമ്മിഷന് ശുപാര്ശകള് ഉടന് നടപ്പാക്കണം. കര്ഷകരുടെ പ്രശ്നത്തില് ശരിയായ തീരുമാനം എടുക്കാന് കേന്ദ്ര സര്ക്കാരിന് കഴിഞ്ഞില്ലെങ്കില് എന്ഡിഎയില് തുടരുന്നത് പുനരാലോചന നടത്തേണ്ടിവരുമെന്നും ഹനുമാന് ബെനിവാല് മുന്നറിയിപ്പ് നല്കുന്നു. കാര്ഷിക നിയമങ്ങളില് പ്രതിഷേധിച്ചാണ് ശിരോമണി അകാലിദള് ബിജെപിയുമായുള്ള സഖ്യം അവസാനിപ്പിച്ചത്.
