ന്യൂഡല്‍ഹി: കേന്ദ്രസര്‍ക്കാരിന്‍റെ കാര്‍ഷിക വിരുദ്ധ പ്രക്ഷോഭങ്ങള്‍ക്ക് പിന്തുണ നല്‍കി ഹരിയാന-ഡല്‍ഹി അതിര്‍ത്തിയിലെത്തിയ പഞ്ചാബ് സ്വദേശി കാറിന് തീപിടിച്ചു മരിച്ചു. ജനക് രാജ്(55)ആണ് മരിച്ചത്.
ഇയാള്‍ കിടന്നുറങ്ങിയ കാറിന് തീപിടിക്കുകയായിരുന്നു. ഡല്‍ഹിയിലേക്കുള്ള മാര്‍ച്ചില്‍ കര്‍ഷകര്‍ ഉപയോഗിക്കുന്ന ട്രാക്ടറിന് കേടുപാടുകള്‍ സംഭവിച്ചാല്‍ അത് പരിഹരിക്കാനാണ് ജനക് രാജ് എത്തിയത്.
ഡല്‍ഹി-ഹരിയാന അതിര്‍ത്തിയിലെ ബഹാദുര്‍ഗഡില്‍ നിരവധി ട്രാക്ടറുകളുടെ കേടുപാടുകള്‍ പരിഹരിച്ചതിന് ശേഷം സ്വന്തം കാറിനുള്ളില്‍ കിടന്നുറങ്ങുകയായിരുന്നു ജനക് രാജ്. കാറിന് തീ പടര്‍ന്നപ്പോള്‍ ഇദ്ദേഹത്തിന് പുറത്തിറങ്ങി രക്ഷപെടാന്‍ സാധിച്ചില്ല.
