തിരുവനന്തപുരം: ബംഗാള് ഉള്ക്കടലില് രൂപം കൊണ്ട ന്യൂനമര്ദത്തിന്റെ പ്രഭാവം കേരളത്തിലും ഉണ്ടാകാനുള്ള സാധ്യത പ്രവചിക്കപ്പെട്ടിരിക്കുന്നതിനാല് പൊതുജനങ്ങളോട് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി.
ചൊവ്വാഴ്ച മുതല് കടല് അതിപ്രക്ഷുബ്ധമാകുവാന് സാധ്യതയുള്ളതിനാല് നാളെ മുതല് കേരളാ തീരത്ത് മത്സ്യബന്ധനത്തിന് വിലക്ക്. നിലവില് മത്സ്യബന്ധനത്തിന് പോയിട്ടുള്ളവര് നാളെ രാത്രിയോടെ ഏറ്റവും അടുത്തുള്ള സുരക്ഷിത തീരത്ത് എത്തേണ്ടതാണ് എന്നും നിര്ദ്ദേശമുണ്ട്..
ന്യൂനമര്ദത്തിന്റെ സ്വാധീനം കേരളത്തിലും പ്രതീക്ഷിക്കുന്ന സാഹചര്യത്തില് തെക്കന് കേരളത്തില് കനത്ത മഴക്കും ശക്തമായ കാറ്റിനും സാധ്യതയുണ്ട്. നിലവില് കാലവസ്ഥ മുന്നറിയിപ്പുകള് അനുസരിച്ച് അനുസരിച്ച് തിരുവനന്തപുരം, കൊല്ലം എന്നീ ജില്ലകളിലാണ് അതീവ ജാഗ്രത ആവശ്യമുള്ളത്. എന്നിരുന്നാലും തിരുവനന്തപുരം മുതല് എറണാകുളം വരെ ജാഗ്രത പാലിക്കണമെന്നും മുന്നറിയിപ്പുകള് ശ്രദ്ധയോടെ വീക്ഷിക്കണമെന്നും നിര്ദേശമുണ്ട്.