റാന്നി: കൃഷിയിടങ്ങള് നശിപ്പിക്കുകയും മനുഷ്യജീവഹാനി ഉണ്ടാക്കുകയും ചെയ്യുന്ന ജനവാസ മേഖലയില് ഇറങ്ങുന്ന വന്യമൃഗങ്ങളെ കൊല്ലുന്ന കര്ഷകര്ക്ക് കേരള കോണ്ഗ്രസ് (എം) സംരക്ഷണം നല്കുമെന്ന് കേരള കോണ്ഗ്രസ്( എം) പത്തനംതിട്ട ജില്ലാ പ്രസിഡണ്ട് ചെറിയാന് പോളച്ചിറക്കല് പറഞ്ഞു. കര്ഷക യൂണിയന്( എം) സംസ്ഥാന കമ്മിറ്റിയുടെ ആഹ്വാന പ്രകാരം റാന്നി ഡിവിഷണല് ഫോറസ്റ്റ് സ്റ്റേഷനിലേക്ക് നടത്തിയ മാര്ച്ചും ധര്ണയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നാട്ടില് ഇറങ്ങുന്ന വന്യമൃഗങ്ങളെ കൊല്ലുക,കേന്ദ്ര വന്യജീവി നിയമം ഭേദഗതി ചെയ്യുക, എന്നീ ആവശ്യങ്ങള് ഉന്നയിച്ചായിരുന്നു ധര്ണ. കര്ഷക യൂണിയന് (എം) ജില്ലാ പ്രസിഡണ്ട് ജോണ് വി തോമസ് അധ്യക്ഷത വഹിച്ചു. യൂണിയന് സംസ്ഥാന സെക്രട്ടറി ഹാഫീസ്.എച്ച്, കേരള കോണ്ഗ്രസ് (എം ) ജില്ലാ ജനറല് സെക്രട്ടറി എബ്രഹാം വാഴയില്, പ്രൊഫ. വര്ഗീസ് പേരയില്, ജോര്ജ് എബ്രഹാം, ആലിച്ചന് ആറൊന്നില്, കുര്യന് മടക്കല്, ക്യാപ്റ്റന് സി വി വര്ഗീസ്, രാജീവ് വഞ്ചിപ്പാലം, ദീപക് മാമന് മത്തായി, റിന്റോ തോപ്പില്, അഡ്വ. ബോബി കാക്കനാപ്പള്ളി, ബാബു കാവടശ്ശേരി, ബഹനാന് ജോസഫ്, തോമസ് മോഡി, രാധാകൃഷ്ണന് നായര്, ടോമി വടക്കേമുറിയില്, കെ എസ് ആന്റണി, ശോഭ ചാര്ലി, എം സി ജയകുമാര് തുടങ്ങിയവര് പ്രസംഗിച്ചു.
