പത്തനംതിട്ട: തിരുവല്ല -കുമ്പഴ റോഡിലെ ദുരവസ്ഥക്കെതിരെ വേറിട്ട പ്രതിഷേധവുമായി യൂത്ത് കോൺഗ്രസ്. കർഷക വേഷത്തിൽ യൂത്ത് കോൺഗ്രസ് സംസ്ഥാന നിർവ്വാഹക സമിതി അംഗം നഹാസ് പത്തനംതിട്ടയും സഹപ്രവർത്തകരും റോഡിൽ പ്രതീകാത്മ കൃഷിയിടം ഒരുക്കി നെൽവിത്തുകൾ വിതറുകയും വാഴത്തൈകൾ നടുകയും ചെയ്തു. നിരവധി വാഹന യാത്രികരാണ് ദിവസവും അപകടത്തിൽ പെടുന്നതെന്നും റോഡിന്റെ ദുരവസ്ഥക്ക് അടിയന്തിര പരിഹാരം കാണണമെന്നും നഹാസ് പത്തനംതിട്ട പറഞ്ഞു.
അധികൃതരുടെ അലംഭാവം ഇനിയും തുടര്ന്നാല് ശക്തമായ പ്രതിഷേധ സമരവുമായി യൂത്ത് കോണ്ഗ്രസ് പ്രവര്ത്തകര് തെരുവിലിറങ്ങുമെന്നും നഹാസ് വ്യക്തമാക്കി. പ്രതീകാത്മക പ്രതിഷേധസമരം ജില്ല കോൺഗ്രസ് കമ്മറ്റി ജനറൽ സെക്രട്ടറി എം സി ഷെരിഫ് ഉത്ഘാടനം ചെയ്തു . യൂത്ത് കോൺഗ്രസ് നേതാക്കളായ ബാസിത്ത് താക്കര, ബിന്ദു ബിനു , കാർത്തിക് മുരിങ്ങമംഗലം , അസ്ലം കെ അനൂപ്, മുഹമ്മദ് റോഷൻ, ജോയമ്മ സൈമൺ എന്നിവർ സമരത്തിന് നേതൃത്വം നൽകി.
