പത്തനംതിട്ട : തിരുവല്ലയില് വിദ്യാര്ത്ഥിയെ അധ്യാപിക മര്ദ്ദിച്ചതായി പരാതി. പരുമല സെമിനാരി എല്പിഎസിലെ മൂന്നാം ക്ലാസുകാരനാണ് അടികൊണ്ടത്. ഹോംവര്ക്ക് ചെയ്യാത്തതിന്റെ പേരില് അധ്യാപിക അടിച്ചെന്നാണ് പരാതി. സ്കൂളിലെ താല്ക്കാലിക അധ്യാപിക മണിയമ്മയ്ക്കെതിരെയാണ് പുളിക്കീഴ് സ്റ്റേഷനില് രക്ഷിതാവ് പരാതി കൊടുത്തത്. പരാതിയില് വിശദമായ അന്വേഷണത്തിനുശേഷം നടപടിയെടുക്കുമെന്ന് പുളിക്കീഴ് എസ് എച്ച് ഒ അറിയിച്ചു.
