ന്യൂഡല്ഹി : ദക്ഷിണ ഡല്ഹിയിലെ ഖാന്പുരിയില് അഞ്ചുവയസുകാരന് അച്ഛന്റെ ക്രൂര മര്ദ്ദനത്തെ തുടര്ന്ന് കൊല്ലപ്പെട്ടു. പിതാവ് 27 കാരന് ആദിത്യ പാണ്ഡെയെ പോലീസ് അറസ്റ്റ് ചെയ്തു. അഞ്ച് വയസുകാരന് ഗ്യാന് പാണ്ഡെ മരണപ്പെട്ടത്. ഖാന്പുരിയില് നേബ് സരെയിലാണ് പാല്കച്ചവടക്കരനായ ആദിത്യ പാണ്ഡെ ജീവിക്കുന്നത്. കഴിഞ്ഞ വ്യാഴാഴ്ചയാണ് സംഭവം. അന്ന് വൈകുന്നേരം ജോലി കഴിഞ്ഞ് വരുമ്പോള് മകന് പഠിക്കാതെ മൊബൈലില് കളിക്കുന്നത് ആദ്യത്യയുടെ ശ്രദ്ധയില് പെടുകയും. മകനെ ഇതിന്റെ പേരില് ക്രൂരമായി മര്ദ്ദിക്കുകയുമായിരുന്നു. ഗുരുതരമായി ശരീരത്തില് മുറിവ് പറ്റിയ കുട്ടിയെ അമ്മ സകേതിലെ മാക്സ് ആശുപത്രിയില് എത്തിച്ചെങ്കിലും കുട്ടി മരിക്കുകയായിരുന്നു. ആശുപത്രി അധികൃതര് പോലീസില് ഇതോടെ വിവരം ആറിയിക്കുകയായിരുന്നു. വ്യാഴാഴ്ച രാത്രി 10 മണിയോടെയാണ് കുട്ടി മരണപ്പെട്ടത്. പോലീസ് സംഭവസ്ഥലത്ത് എത്തി ആശുപത്രി അധികൃതരില് നിന്നും വിവരങ്ങള് ശേഖരിക്കുകയും ചെയ്തു.
