ഉത്തർപ്രദേശ്: ഉത്തർപ്രദേശിലെ ഝാൻസിയിൽ മൂന്ന് വയസ്സുകാരനായ മകനെ കൊലപ്പെടുത്തിയ ശേഷം അച്ഛൻ ആത്മഹത്യ ചെയ്തു. ധിമാർപുര ഗ്രാമത്തിൽ താമസിക്കുന്ന പ്രേം സിങ് (38) ആണ് ഏക മകൻ ഭരതിനെ കൊലപ്പെടുത്തിയ ശേഷം വീടിനുള്ളിൽ തൂങ്ങിമരിച്ചത്. കഴിഞ്ഞ ദിവസം രാത്രിയിലാണ് ദാരുണമായ സംഭവം നടന്നത്. കല്യാണത്തിന് പോയി മദ്യപിച്ചെത്തിയ പ്രേമിനെ വീട്ടുകാർ ചോദ്യം ചെയ്തിരുന്നു. ഇതിനെച്ചൊല്ലിയുണ്ടായ തർക്കത്തിനൊടുവിൽ മകനെയും കൂട്ടി പ്രേം മറ്റൊരു മുറിയിൽ കയറി വാതിലടയ്ക്കുകയായിരുന്നു. രാത്രി ഉറക്കമുണർന്ന ഭാര്യ ആശ ജനലിലൂടെ നോക്കിയപ്പോഴാണ് ഭർത്താവിനെ തൂങ്ങിനിൽക്കുന്ന നിലയിലും മകനെ രക്തത്തിൽ കുളിച്ച നിലയിലും കണ്ടെത്തിയത്. മൂർച്ചയുള്ള ആയുധം ഉപയോഗിച്ചാണ് കുട്ടിയെ കൊലപ്പെടുത്തിയതെന്ന് സംശയിക്കുന്നു. പോലീസ് സ്ഥലത്തെത്തി രണ്ട് മൃതദേഹങ്ങളും പോസ്റ്റ്മോർട്ടത്തിനായി മാറ്റി. പോസ്റ്റ്മോർട്ടം റിപ്പോർട്ട് ലഭിച്ച ശേഷമേ കുട്ടിയുടെ മരണകാരണത്തിൽ വ്യക്തത വരികയുള്ളൂവെന്ന് പോലീസ് അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
