ഉദയ്പൂര്: ഭാര്യയുമായുള്ള ചെറിയ തര്ക്കത്തെ തുടര്ന്ന് ഭര്ത്താവ് രണ്ട് വയസുകാരിയായ മകളെ കഴുത്തറുത്ത് കൊന്നു. രാജസ്ഥാനിലെ ഉദയ്പൂര് ജില്ലയിലെ സുതര്മദഡ ഗ്രാമത്തിലാണ് സംഭവം. മുപ്പതുകാരനായ മഹേന്ദ്രമേഘ് വാളാണ് കുട്ടിയെ കൊലപ്പെടുത്തിയത്. അതിന് ശേഷം തുണിയില് പൊതിഞ്ഞ് കുളത്തിലേക്ക് വലിച്ചെറിയുകയായിരുന്നു. ഭാര്യയുടെ നിലവിളി കേട്ട് അയല്വാസികള് സ്ഥലത്തെത്തി പോലീസില് വിവരമറിയിക്കുകയായിരുന്നു. ജസ്വന്ത്ഗഡ് പോലീസ് സ്റ്റേഷനിലെ കോണ്സ്റ്റബിള് കമലേഷ് കുമാര് ഉടന് സ്ഥലത്തെത്തി പ്രതിയെ പിടികൂടുകയായിരുന്നു.
പോലീസിനെ കണ്ടയുടന് പ്രതി ഓടിരക്ഷപ്പെടാന് ശ്രമിച്ചെങ്കിലും പിന്നാലെ പിടികൂടുകയായിരുന്നു. ഭാര്യയുമായുള്ള തര്ക്കത്തെ തുടര്ന്ന് മഹേന്ദ്ര, രണ്ട് വയസുകാരിയായ കാജലിനെ കഴുത്തറുത്ത് കൊലപ്പെടുത്തുകയായിരുന്നു. സംഭവത്തില് അന്വേഷണം ആരംഭിച്ചതായും പോലീസ് പറഞ്ഞു. കുഞ്ഞിന്റെ മൃതദേഹം കുളത്തില് നിന്ന് പുറത്തെടുത്ത് പോസ്റ്റ്മോര്ട്ടത്തിനായി മോര്ച്ചറിയില് സൂക്ഷിച്ചിരിക്കുകയാണ്.
