തിരുവല്ല: സൗഹൃദത്തിലായ യുവതിയുടെ നഗ്നവീഡിയോ പകര്ത്തിയശേഷം വീഡിയോ പ്രചരിപ്പിക്കുമെന്ന് ഭീഷണിപ്പെടുത്തി ലൈംഗികമായി പീഡിപ്പിക്കുകയും 30 ലക്ഷത്തോളം രൂപ തട്ടിയെടുക്കുകയും ചെയ്ത കേസില് ഒളിവി കഴിഞ്ഞിരുന്ന പ്രതി 13 വര്ഷങ്ങള്ക്കുശേഷം പോലീസിന്റെ പിടിയിലായി. മലപ്പുറം മൂത്തേടം വില്ലേജില് തച്ചേടത്ത് വീട്ടില് സുരേഷ് കെ.നായര് (54) ആണ് പിടിയിലായത്. 2011ലാണ് കേസിനാസ്പദമായ സംഭവം നടന്നത്. 2009 കാലഘട്ടത്തില് തിരുവല്ലയിലെ തോട്ടഭാഗത്ത് താമസിക്കുന്ന സഹോദരിയുടെ വീട്ടിലെത്തിയ സുരേഷ്, അയല്വാസിയായ യുവതിയുമായി സൗഹൃദത്തിലാവുകയായിരുന്നു. ഭര്ത്താവ് വിദേശത്തുള്ള യുവതിയുമായി അടുപ്പത്തിലായ സുരേഷ് അവരറിയാതെ നഗ്നവീഡിയോ പകര്ത്തി.തുടര്ന്ന് പകര്ത്തിയ വീഡിയോ യുവതിക്ക് അയച്ചുകൊടുത്തു.
ഈ വീഡിയോ സാമൂഹ്യമാദ്ധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തി യുവതിയെ വിവിധ സ്ഥലങ്ങളിലെത്തിച്ചു പീഡിപ്പിക്കുകയും പണം തട്ടിയെടുക്കുകയും ചെയ്തു. വിദേശത്തു നിന്ന് അവധിക്ക് നാട്ടിലെത്തിയ ഭര്ത്താവ് അക്കൗണ്ടില് നിന്ന് പണം നഷ്ടപ്പെട്ട വിവരം അറിഞ്ഞതോടെയാണ് യുവതി പൊലീസില് പരാതി നല്കിയത്.
