കോഴിക്കോട് : ചലച്ചിത്ര നടി കോഴിക്കോട് ശാരദ അന്തരിച്ചു. അസുഖബാധിതയായതിനെ തുടര്ന്ന് കോഴിക്കോട് മെഡിക്കല് കോളജ് ആശുപത്രിയില് ചികിത്സയിലായിരുന്നു. നാടകങ്ങളില് അഭിനയിച്ചുകൊണ്ടായിരുന്നു ശാരദയുടെ അഭിനയ ജീവിതത്തിന്റെ തുടക്കം. 1979 ല് അങ്കക്കുറി എന്ന സിനിമയിലഭിനയിച്ചുകൊണ്ടാണ് സിനിമയിലേയ്ക്ക് പ്രവേശിക്കുന്നത്. 1985 – 87 കാലങ്ങളില് ഐ.വി ശശി സംവിധനം ചെയ്ത അനുബന്ധം, നാല്ക്കവല, അന്യരുടെ ഭൂമി എന്നീ ചിത്രങ്ങളില് അഭിനയിച്ചു. ഉത്സവപ്പിറ്റേന്ന്, സദയം, സല്ലാപം, കിളിച്ചുണ്ടന് മാമ്പഴം, അമ്മക്കിളിക്കൂട്, യുഗപുരുഷന്, കുട്ടിസ്രാങ്ക് തുടങ്ങി എണ്പതോളം ചിത്രങ്ങളില് അഭിനയിച്ചിട്ടുണ്ട്. സിനിമകള് കൂടാതെ ടെലിവിഷന് സീരിയലുകളിലും സജീവമായിരുന്നു.
