ബത്തേരി: നടി ഭാവനയെ നീരീക്ഷണത്തിലാക്കി, സാമ്പിളുകള് പരിശോധനയ്ക്ക് അയച്ചു. അപ്രതീക്ഷിതമായി കേരളത്തിലെത്തിയ യുവനടി ഭാവനയുടെ സ്രവസാമ്പിള് പരിശോധനയ്ക്ക് എടുത്ത ശേഷം ക്വാറന്റൈനില് പ്രവേശിപ്പിച്ചു. ബെംഗളൂരുവില് നിന്ന് തൃശൂരിലെ വീട്ടിലേക്കു തിരിച്ച നടി ഭാവന മുത്തങ്ങ അതിര്ത്തി വഴി കേരളത്തിലെത്തിയപ്പോഴാണ് ക്വാറന്റൈനില് പ്രവേശിപ്പിച്ചത്.
അതിര്ത്തി വരെ ഭര്ത്താവിനൊപ്പം കാറിലെത്തിയ നടി തുടര്ന്ന് സഹോദരനൊപ്പമാണ് യാത്ര തുടര്ന്നത്. ഇന്നലെ ഉച്ചയ്ക്ക് ഒന്നരയോടെയാണ് നടി മുത്തങ്ങയില് എത്തിയത്. ചെക് പോസ്റ്റുകളിലെ പ്രാഥമിക വിവര ശേഖരണ പരിശോധനകള്ക്ക് ശേഷം ഫെസിലിറ്റേഷന് സെന്ററിലെത്തി ആരോഗ്യ പരിശോധനയ്ക്ക് വിധേയയായി.
ഭാവനയുടെ സ്രവസാമ്പിള് പരിശോധനയ്ക്കായി ശേഖരിച്ചു. ഫെസിലിറ്റേഷന് സെന്ററിലും പരിസരത്തും ഉണ്ടായിരുന്നവര്ക്കെല്ലാം ഭാവനയുടെ പെട്ടെന്നുള്ള വരവ് കൗതുകമായി. ചിലര് സാമൂഹിക അകലമൊക്കെ പാലിച്ച് സെല്ഫി പകര്ത്തുന്നതും കണ്ടു. തുടര്ന്ന് ഹോം ക്വാറന്റീനിലേക്ക് പോലീസ് അകമ്പടിയോടെയായിരുന്നു നടിയുടെ തുടര്യാത്ര.
