കോന്നി: കലഞ്ഞൂർ മാർക്കറ്റിൽ 3 കോടി രൂപ അനുവദിച്ചു സംസ്ഥാന സർക്കാർ നിർമ്മിക്കുന്ന ഷോപ്പിംഗ് കോപ്ലക്സിന്റെ നിർദ്ധിഷ്ട ഭൂമി ധന കാര്യ മന്ത്രി കെ എൻ ബാലഗോപാൽ സന്ദർശിച്ചു. കലഞ്ഞൂർ മാർക്കറ്റ് ഷോപ്പിംഗ് കോംപ്ലക്സ് നിർമ്മാണത്തിനായി സംസ്ഥാന ബജറ്റിൽ 3 കോടി രൂപ അനുവദിച്ചിരുന്നു.
3 നിലകളിലായി 15000 ചതുരശ്ര അടി വിസ്തീർണ്ണത്തിൽ നിർമ്മിക്കുന്ന ഷോപ്പിംഗ് കോംപ്ലക്സിൽ റെസ്റ്റോറന്റ്, വാണിജ്യ സ്ഥാപങ്ങൾ, ഫിഷ് മാർക്കറ്റ്, ഓഡിറ്റോറിയം എന്നിവയാണ് ഉൾപ്പെടുത്തിയിരിക്കുന്നത്. രണ്ടു മാസത്തിനുള്ളിൽ ടെണ്ടർ നടപടികൾ പൂർത്തികരിച്ചു നിർമ്മാണ പ്രവർത്തി ആരംഭിക്കുമെന്ന് അഡ്വ. കെ യു ജനീഷ് കുമാർ എം എൽ എ അറിയിച്ചു.
കലഞ്ഞൂർ പഞ്ചായത്ത് ഓഫിസിൽ നടന്ന യോഗത്തിൽ ധനകാര്യ വകുപ്പ് മന്ത്രി കെ എൻ ബാലഗോപാൽ, അഡ്വ. കെ യു ജനീഷ് കുമാർ എം എൽ എ, ഗ്രാമ പഞ്ചായത്ത് പ്രസിഡന്റ് ടിവി പുഷ്പവല്ലി, ബ്ലോക്ക് പഞ്ചായത്ത് വൈസ് പ്രസിഡന്റ് എം പി മണിയമ്മ, ഗ്രാമ പഞ്ചായത്ത് വൈസ് പ്രസിഡന്റ് മിനി എബ്രഹാം, ബ്ലോക്ക് പഞ്ചായത്ത് അംഗം പി വി ജയകുമാർ, ഗ്രാമ പഞ്ചായത്ത് അംഗങ്ങളായ ബിന്ദു, സജൻ, ഷാൻ ഹുസൈൻ, സിന്ധു, എൽ എസ് ജി ഡി അസി. എക്സികുട്ടീവ് എഞ്ചിനീയർ വിനോദ്, അസിസ്റ്റന്റ് എഞ്ചിനീയർ അലക്സാണ്ടർ, പൊതുമരാമത്ത് അസിസ്റ്റന്റ് എക്സികുട്ടിവ് എഞ്ചിനീയർ ഷിബുജാൻ ടി കെ, അസി. എഞ്ചിനീയർ ശ്രീജിത്ത് തുടങ്ങിയവർ പങ്കെടുത്തു.
