തിരുവനന്തപുരം: തിരുവനന്തപുരം കല്ലമ്പലത്ത് തീപിടുത്തം. ദേശീയപാതയോരത്ത് പ്രവർത്തിക്കുന്ന ‘പെൻഗ്വിൻ’ എന്ന ടൂവിലർ വർക്ക്ഷോപ്പിലാണ് തീപിടുത്തമുണ്ടായത്. ഇന്നലെ രാത്രിയായിരുന്നു അപകടം. തീപിടുത്തത്തിൽ വർക്ക്ഷോപ്പിൽ സൂക്ഷിച്ചിരുന്ന 8 വാഹനങ്ങൾ പൂർണ്ണമായി കത്തിനശിച്ചു. അപകടസമയത്ത് ജീവനക്കാരാരും സ്ഥാപനത്തിൽ ഇല്ലാതിരുന്നതിനാൽ ആളപായമൊന്നും ഉണ്ടായിട്ടില്ല. അതേസമയം കടയിലെ ഉപകരണങ്ങൾക്കും കെട്ടിടത്തിന്റെ ഘടനയ്ക്കും സാരമായ കേടുപാടുകൾ സംഭവിച്ചിട്ടുണ്ട്. ലക്ഷങ്ങളുടെ നഷ്ടം ഉണ്ടായതായാണ് വിവരം. വിവരമറിഞ്ഞ് നെയ്യാറ്റിൻകരയിൽ നിന്നെത്തിയ രണ്ട് ഫയർഫോഴ്സ് യൂണിറ്റുകളും പോലീസും ചേർന്നാണ് തീയണച്ചത്. അടിയന്തരമായ ഇടപെടൽ നടത്തിയതിനാൽ തീ അടുത്തുണ്ടായിരുന്ന മറ്റ് സ്ഥാപനങ്ങളിലേക്ക് പടരുന്നത് തടയാനായി. അപകടകാരണം ഷോർട്ട് സർക്യൂട്ടെന്നാണ് പ്രാഥമിക നിഗമനം. കൃത്യമായ കാരണം കണ്ടെത്താൻ പോലീസ് അന്വേഷണം ആരംഭിച്ചിട്ടുണ്ട്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
