കോന്നി : കോന്നി പൂവൻപാറയിൽ അപകടത്തിൽ പരിക്കേറ്റ യുവാവിനെ കോന്നി ഫയർ ഫോഴ്സ് ആശുപത്രിയിൽ എത്തിച്ചു. മലയാലപ്പുഴ സ്വദേശി വിനീത് (36)നാണ് പരിക്ക് സംഭവിച്ചത്. രാവിലെ 9 മണിയോടെ പരിക്ക് പറ്റി അവശനിലയിൽ റോഡിൽ കിടന്ന ഇയാൾ നാട്ടുകാരുടെ ശ്രദ്ധയിൽപെടുകയും കോന്നി ഫയർ ഫോഴ്‌സിൽ അറിയിച്ചതിനെ തുടർന്ന് ഇവർ ആശുപത്രിയിൽ പ്രവേശിപ്പിക്കുകയും ആയിരുന്നു. ഇയാൾക്ക് കാലിനും തലയ്ക്കും കൈക്കും മുറിവേറ്റതായി ഫയർ ഫോഴ്സ് പറഞ്ഞു.
