പട്ന: ബിഹാറില് പടക്കവ്യാപാരിയുടെ വീട്ടിലുണ്ടായ സ്ഫോടനത്തില് ആറുപേര് മരിച്ചു. ഖുദായ് ബാഗ് ഗ്രാമത്തിലെ ഷാബിര് ഹുസൈന് എന്നയാളുടെ വീട്ടിലാണ് സ്ഫോടനം.കെട്ടിടത്തിന്റെ ഒരു ഭാഗം തകരുകയും അവശേഷിക്കുന്ന ഭാഗത്ത് തീപടരുകയും ചെയ്തു. അവശിഷ്ടങ്ങള്ക്കിടയില് നിരവധി പേര് കുടുങ്ങിക്കിടക്കുന്നതായി റിപ്പോര്ട്ടുണ്ട്. ഇവരെ പുറത്തെത്തിക്കാന് ശ്രമം തുടരുകയാണ്.
സ്ഫോടനമുണ്ടായ കെട്ടിടത്തില് നിയമവിരുദ്ധമായി പടക്ക നിര്മാണം നടന്നിരുന്നതായി പോലീസ് പറയുന്നു. സ്ഫോടനത്തിന്റെ കാരണം അന്വേഷിക്കുന്നുണ്ടെന്നും ഫൊറന്സിക് ടീമിനെയും ബോംബ് സ്ക്വാഡിനെയും വിളിച്ചുവരുത്തിയിട്ടുണ്ടെന്നും എസ്.പി സന്തോഷ് കുമാര് അറിയിച്ചു. അപകടസമയത്ത് ഒരുമണിക്കൂറോളം തുടര്ച്ചയായി പടക്കങ്ങള് പൊട്ടിയിരുന്നതായും പോലീസ് പറഞ്ഞു. ഗുരുതര പരിക്കേറ്റ എട്ടുപേരെ ഛപ്രയിലെ സദര് ആശുപത്രിയില് പ്രവേശിപ്പിച്ചു.
