വരാപ്പുഴ: കൂനമ്മാവിനു സമീപം തിരുമുപ്പം ഒളനാട് റോഡിലെ റിപ്പയര് ആന്ഡ് സര്വ്വീസ് സെന്ററില് തീപിടിത്തം. ഒട്ടേറെ ഉപകരണങ്ങള് കത്തിനശിച്ചു. സാമുവല് പി. ജോര്ജിന്റെ സ്ഥാപനത്തിലാണ് തീപിടിച്ചത്. ബുധനാഴ്ച ഉച്ചക്ക് രണ്ടോടെയാണ് സംഭവം. അഗ്നിരക്ഷാസേന എത്തിയാണ് തീയണച്ചത്.
വീടിന്റെ രണ്ടാംനിലയിലാണ് സെന്റര് പ്രവര്ത്തിച്ചിരുന്നത്. തീപിടിത്തമുണ്ടായപ്പോള് സാമുവലിെന്റ ഭാര്യയും മക്കളും താഴെനിലയില് ഉണ്ടായിരുന്നു. സര്വ്വീസിന് കൊടുത്തിരുന്ന ഉപകരണങ്ങളാണ് കത്തിനശിച്ചത്. നഷ്ടം കണക്കാക്കിയിട്ടില്ല.
ഷോര്ട്ട് സര്ക്യൂട്ടാണ് കാരണമെന്ന് സംശയിക്കുന്നു. ഏലൂരില്നിന്ന് സ്റ്റേഷന് ഓഫിസര് ടി.ബി. രാമകൃഷ്ണന്റെ നേതൃത്വത്തില് എത്തിയ അഗ്നിരക്ഷാസേനയാണ് തീയണച്ചത്. പറവൂരില്നിന്നും അഗ്നിരക്ഷാസേന എത്തിയിരുന്നു.
