തലയോലപറമ്പ് : തലയോലപറമ്പ് ചന്തയ്ക്ക് സമീപം പഴയ വാഹനങ്ങള് സൂക്ഷിച്ചിരുന്ന ആക്രിക്കടയില് വന് തീപിടിത്തം. മീന് വില്പന ശാലകള്ക്ക് എതിര്വശത്തുള്ള ഈ കടയിലുണ്ടായിരുന്ന മൂന്ന് പേര്ക്ക് പൊള്ളലേറ്റു. പരിക്കേറ്റവരെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു. രാവിലെ 9.10 ഓടു കൂടിയാണ് തീപിടിത്തമുണ്ടായത്. വാഹനം പൊളിക്കാന് നിന്ന ബീഹാര് സ്വദേശികളായ ശര്വന്, രാജ്കുമാര്, അഭിജിത്ത് എന്നിവര്ക്കാണ് പരിക്കേറ്റത്. ഫയര്ഫോഴ്സും പോലിസും നാട്ടുകാരും ചേര്ന്ന് തീ അണച്ചു. പൊളിച്ചു കൊണ്ടിരുന്ന വാഹനത്തിന്റെ ഡീസല് ടാങ്ക് വെല്ഡിങ് സ്പാര്ക്ക് മൂലം തീപിടിച്ചതാണ് അപകട കാരണം.
