റാന്നി: വെച്ചൂച്ചിറ കുന്നത്ത് വീടിന്റെ ചിമ്മിനിക്കു തീപിടിച്ചു ഷീറ്റുകള് നശിച്ചു. സംഭവത്തില് ആളപായമില്ല. കുന്നം പുല്ലമ്പള്ളില് ഷീല എബ്രഹാമിന്റെ വീടിന്റെ ചിമ്മിനിക്കാണ് തീപിടിച്ചത്. ഇവരുടെ പഴയ വീടിന്റെ ചിമ്മിനിയില് സൂക്ഷിച്ചിരുന്ന റബര്ഷീറ്റ് പുകയ്ക്കാന് ഇട്ട തീ പടര്ന്നു പിടിക്കുകയായിരുന്നു. ചിമ്മിനിക്കുള്ളില് സൂക്ഷിച്ചിരുന്ന അമ്പതോളം ഷീറ്റ് തീപിടിച്ചു നശിച്ചു. ഇന്നു വൈകീട്ട് ആറിനായിരുന്നു സംഭവം. റാന്നിയില് നിന്ന് അഗ്നിശമന സേനയെത്തിയെങ്കിലും ഓടിക്കൂടിയ നാട്ടുകാര് തീയണച്ചിരുന്നു. അതിനാല് വീടിനുള്ളിലേയ്ക്ക് തീപടര്ന്നില്ല.
