തിരുവനന്തപുരം: തിരുവനന്തപുരം ഗ്രീന്ഫീല്ഡ് സ്പോര്ട്സ് ഹബില് 23 മുതല് 26 വരെ നടത്തുന്ന പ്രഥമ അന്താരാഷ്ട്ര കായിക ഉച്ചകോടി 23ന് മുഖ്യമന്ത്രി പിണറായി വിജയന് ഉദ്ഘാടനം നിർവഹിക്കും. പരിപാടിയുടെ ഒരുക്കങ്ങൾ പുരോഗമിക്കുകയാണെന്നും ഉച്ചകോടിയുടെ മുന്നൊരുക്ക പരിപാടികള് 12ന് ആരംഭിക്കുമെന്ന് കായിക മന്ത്രി വി. അബ്ദുറഹിമാന് വ്യക്തമാക്കി. പരിപാടിയുടെ ഭാഗമായി ടൂര് ഡി കേരള സൈക്ലത്തോണും റോഡ് ഷോയും കേരളത്തിന്റെ തനത് കായിക രൂപങ്ങളെ ആസ്പദമാക്കി ഹൈബ്രിഡ് കാമ്പയിനും സംഘടിപ്പിക്കും.
സൈക്ലത്തോൺ 12ന് കാസര്ഗോട്ടു നിന്നാരംഭിച്ച് 23ന് തിരുവനന്തപുരത്ത് എത്തിച്ചേരും. കെ-വാക്ക് മെഗാ വാക്കത്തോണ് 22ന് നടത്തും. കായിക ഉച്ചകോടിയോട് അനുബന്ധിച്ച് ആസൂത്രണം ചെയ്ത് വെബിനാര് പരമ്പരയ്ക്കും തുടക്കമായി. 15 ദിവസം നീളുന്ന ഓണ്ലൈന് സെമിനാറുകള് എല്ലാ ദിവസവും വൈകുന്നേരം ഏഴിന് ആരംഭിക്കും.
