നെടുങ്കണ്ടം : നെടുങ്കണ്ടം, തൂക്കുപാലം മേഖലയിലെ നിരവധി ആളുകള് പച്ചമീന് കഴിച്ച് ശരീരിക അസ്വാസ്ഥ്യം അനുഭവപ്പെട്ടതിനെ തുടര്ന്ന് ചികിത്സ തേടുന്നു. 11 വയസുകാരനടക്കം ഇന്നലെ ചികിത്സക്കായി എത്തിയെന്ന് കെ.പി കോളനി മെഡിക്കല് ഓഫീസര് ഡോ.വി.കെ പ്രശാന്ത് പറഞ്ഞു. നെടുങ്കണ്ടം 22ാം വാര്ഡിലെ താമസക്കാരനായ സുരേന്ദ്രന്റെ പരാതിയില് മേല് ജില്ലാ മെഡിക്കല് ഓഫീസര്ക്ക് കത്തയച്ചതായും മെഡിക്കല് ഓഫീസര് അറിയിച്ചു.
കഴിഞ്ഞ വ്യാഴാഴ്ച നെടുങ്കണ്ടത്തെ സ്വകാര്യ മത്സ്യ വില്പ്പനശാലയില് നിന്നും വാങ്ങിയ മീന് കഴിച്ചതിനെ തുടര്ന്ന് മകന് ശരീരിക അസ്വസ്ഥത ഉണ്ടായി. ഇതിനെ തുടര്ന്ന് നെടുങ്കണ്ടത്തെ ഹോമിയോ ആശുപത്രിയിലെ ചികിത്സ തേടി. രോഗശമനം ഉണ്ടാകാത്തതിനെ തുടര്ന്ന് കെ.പി കോളനി കുടുംബാരോഗ്യകേന്ദ്രത്തില് മകനെ പ്രവേശിപ്പിക്കുകയായിരുന്നു. മത്സ്യം കഴിച്ചിട്ടുള്ള പ്രശ്നങ്ങള് വര്ധിച്ചുവരുന്ന സാഹചര്യത്തില് ഇത് സംബന്ധിച്ച് കൂടുതല് അന്വേഷണം നടത്തണമെനന് ജില്ലാ മെഡിക്കല് ഓഫീസര്ക്ക് നല്കിയ കത്തില് ഡോ.വി.കെ പ്രശാന്ത് ആവശ്യപ്പെട്ടു.
