പാലക്കാട് : പതിനാറുകാരിയെ വീട്ടിലേക്ക് വിളിച്ചുവരുത്തി യുവാവ് തീകൊളുത്തി. പാലക്കാട് കൊല്ലങ്കോട് ആണ് സംഭവം നടന്നത്. പിറന്നാളാണെന്ന് പറഞ്ഞ് തെറ്റിദ്ധരിപ്പിച്ചായിരുന്നു പെൺകുട്ടിയെ വീട്ടിൽ എത്തിച്ചത്. ബാലസുബ്രഹ്മണ്യം (23) ആണ് തീകൊളുത്തിയത്. പെൺകുട്ടിയ്ക്കും യുവാവിനും പൊള്ളലേറ്റു. ഇരുവരും തൃശൂർ മെഡിക്കൽ കോളേജിൽ ചികിത്സയിലാണ്. പ്രണയനൈരാശ്യമാണ് തീ കൊളുത്തിയതിന് കാരണമെന്നാണ് പോലീസ് പറയുന്നത്.
ഇന്ന് രാവിലെ 9 മണിയോടെയാണ് സംഭവം. യുവാവും പെൺകുട്ടിയും പ്രണയത്തിലായിരുന്നു. ഈ ബന്ധം വീട്ടുകാർ എതിർത്തിരുന്നു. ഇന്ന് പിറന്നാളാണെന്ന് പറഞ്ഞ് തെറ്റിദ്ധരിപ്പിച്ച് പെൺകുട്ടിയെ വീട്ടിൽ വിളിച്ചുവരുത്തുകയായിരുന്നു. ഇരുവർക്കും സാരമായി പരിക്കേറ്റിട്ടുണ്ട്. ഇരുവരെയും എറണാകുളം സ്വകാര്യ ആശുപത്രിയിലേക്ക് കൊണ്ടുപോയതായാണ് റിപ്പോർട്ടുകൾ.
